በአማራ ክልል ርዕሰ መስተዳድር የተመራ የልዑካን ቡድን የጣና በለስ ስኳር ልማት ፕሮጀክትን ጎበኘ

በአማራ ክልል ርዕሰ መስተዳደር አቶ ተመስገን ጥሩነህ የተመራና የክልሉን ከፍተኛ አመራሮች እና ባለሃብቶች ያካተተ የልዑካን ቡድን የጣና በለስ ስኳር ልማት ፕሮጀክት የሥራ እንቅስቃሴን መጋቢት 13/2012 ዓ.ም ጎብኝቷል፡፡ በጉብኝቱ ወቅት የጣና በለስ ቁጥር ሶስት ስኳር ፋብሪካ ስለሚገኝበት ሁኔታ እንዲሁም የፋብሪካ ቁጥር አንድ የግንባታ ሂደትና በፕሮጀክቱ እየተካሄደ ስለሚገኘው የአትክልትና ፍራፍሬ ልማት በፕሮጀክቱ ዋና ሥራ አስኪያጅ በአቶ አንተነህ አሰጌ አማካይነት ለልዑካን ቡደኑ ገለጻ ተደርጓል፡፡ በዚሁ ወቅት ርዕሰ መሰተዳድሩ አቶ ተመስገን ጥሩነህ ባደረጉት ንግግር የፋብሪካ ቁጥር አንድ ግንባታ እንዲፋጠንና ወደ ምርት እንዲገባ የክልሉ መንግሥት ተገቢውን ድጋፍና ክትትል እንደሚያደርግ አስታውቀዋል፡፡ በጉብኝቱ የተሳተፉ ባለሃብቶች በበኩላቸው አካባቢው…

ለንጽህና መጠበቂያ ቁሳቁሶች ማዘጋጃ የሚያገለግል ከ3 ሚሊዮን ሊትር በላይ ቴክኒካል አልክሆል አለ

ለንጽህና መጠበቂያ ቁሳቁሶች ማዘጋጃ የሚያገለግል ከ3 ሚሊዮን ሊትር በላይ ቴክኒካል አልክሆል በፊንጫአ እና በመተሐራ ስኳር ፋብሪካዎች ይገኛል፡፡ ፋብሪካዎቹ በቀን 100 ሺህ ሊትር የሚጠጋ ቴክኒካል አልክሆል በማምረት ላይ ናቸው፡፡ በአሁኑ ወቅት በአለም ደረጃ የተከሰተውን የኮሮና ቫይረስ/COVID 19 ወረርሽኝ ሥርጭትን ለመከላከል የሚያገለግሉ የንጽህና መጠበቂያ ቁሳቁሶችን ለማዘጋጀት በግብዓትነት የሚውለውን  ቴክኒካል አልክሆል የምርት መጠን ለማሳደግ ስኳር ኮርፖሬሽን ጥረት እያደረገ ይገኛል፡፡ በቂ ቴክኒካል አልክሆል በመኖሩም በተፈቀደላቸው ኮታ መሰረት ምርቱን እየወሰዱ ከሚገኙ ፋርማሲዎችና የንጽህና መጠበቂያ ቁሳቁስ አምራች ፋብሪካዎችና ድርጅቶች በተጨማሪ ስኳር ኮርፖሬሽን ከንግድና ኢንደስትሪ ሚኒስቴር እና ከጤና ጥበቃ ሚኒስቴር ጋር በመነጋገር ተጨማሪ ሰባት አዳዲስ ድርጅቶች ቴክኒካል…

የኮርኖ ቫይረስ ሥርጭትን የሚከላከልና የሚቆጣጠር ስትሪንግ ኮሚቴ ሥራ ጀመረ

በስኳር ኮርፖሬሽን ዋና መ/ቤት፣ በስኳር ፋብሪካዎችና ፕሮጀክቶች የኮሮና ቫይረስ [COVID-19] ሥርጭትን የሚከላከልና የሚቆጣጠር ስትሪንግ ኮሚቴ ከመጋቢት 8/2012 ዓ.ም አንስቶ ሥራ ጀመረ፡፡ በኮርፖሬሽኑ ዋና ሥራ አስፈጻሚ የበላይ ጠባቂነት እና በኮርፖሬት ሰርቪስ ዘርፍ ም/ዋና ሥራ አስፈጻሚ ሰብሳቢነት የሚመራው ይህ ኮሚቴ ከፋብሪካ ኦፕሬሽን፣ ከእርሻ ኦፕሬሽንና ከፋይናንስ ዘርፎች ም/ዋና ሥራ አስፈጻሚዎች እንዲሁም ከዋና ሥራ አስፈጻሚ አማካሪ፣ ከኮሚዩኒኬሽንና ከጤና አገልግሎት ኃላፊዎች በተውጣጡ ስድስት አባላትና ጸኃፊ የተዋቀረ ነው፡፡ ኮሚቴው የተሰጠውን ተልዕኮ ለመፈጸም ዝርዝር ተግባርና ኃላፊነት እንዲሁም የድርጊት መርሃ ግብር አዘጋጅቶ ወደ ሥራ ከመግባቱ ባሻገር የመረጃ ልውውጥን ለማሳለጥ፣ ግንዛቤን ለመፍጠር፣ ቁሳቁሶችን በሚፈለገው ደረጃ ለማቅረብ እንዲሁም የክትትልና ቁጥጥር…

የጣና በለስ ቁጥር 1 ስኳር ፋብሪካ መጪው ግንቦት ወር የሙከራ ምርት እንደሚጀምር ተገለጸ

* ፕሮጀክቱ በባለድርሻ አካላትና በብዙሃን መገናኛ ጋዜጠኞች ተጎብኝቷል የጣና በለስ ቁጥር 1 ስኳር ፋብሪካ በመጪው ግንቦት ወር የሙከራ ምርት እንደሚጀምር የስኳር ኮርፖሬሽን ዋና ሥራ አስፈጻሚ አቶ ወዮ ሮባ ገለጹ፡፡ ዋና ሥራ አስፈጻሚው ይህን ያስታወቁት ኮርፖሬሽኑ በበለስ ስኳር ልማት ፕሮጀክት ለባለድርሻ አካላትና ለመገናኛ ብዙሃን ጥር 15 እና 16/2012 ዓ.ም. ባዘጋጀው የጉብኝት መርሃ ግብር ላይ ነው፡፡ በጉብኝቱ ወቅት ከኮርፖሬሽኑ የሥራ አመራር ቦርድ፣ ከገንዘብ ሚኒስቴር፣ ከጠቅላይ ሚኒስትር ጽ/ቤት፣ ከመንግሥት የልማት ድርጅቶች ይዞታና አስተዳደር ኤጀንሲ እንዲሁም የፕሮጀክቱ አጎራባች ከሆኑ ሦስት ወረዳዎች የተውጣጡ ከፍተኛ የሥራ ኃላፊዎች እና ከአዲስ አበባና ከአማራ ክልል የመጡ ጋዜጠኞች ተሳትፈዋል፡፡ በግንባታ…

145 ሚሊየን ብር ይወጣበት የነበረ ቦይለር በራስ አቅም ተጠገነ

በፊንጫኣ ስኳር ፋብሪካ 145 ሚለየን ብር ለጥገና የተጠየቀበት ቦይለር በራስ አቅም ተጠገነ፡፡ በፈንጫኣ እና በመተሐራ ስኳር ፋብሪካዎች ከፍተኛ የቦይለር ባለሙያዎች የተጠገነው የፋብሪካው ቦይለር ቁጥር 3 የጥገና ጨረታ ወጥቶበት የነበረ ሲሆን፣ በወቅቱ ተጫራቾች ያቀረቡት ዋጋ ከፍተኛ በመሆኑ እና ለጥገና የጠየቁት ጊዜም በመርዘሙ የፋብሪካው ማኔጅመንት የፊንጫኣ ስኳር ፋብሪካ እና የመተሐራ ስካር ፋብሪካ የቦይለር ባለሙያዎች እንዲጠግኑት ውሳኔ አሳልፎ እንደነበር የፊንጫኣ ፋብሪካ የሕዝብ ግንኙነት ክፍል በላከልን መረጃ አስታውሷል፡፡ በዚህ መሰረት የሁለቱ ፋብሪካዎች የቦይለር ባለሙያዎች ከጥቅምት 30 ጀምሮ ለ40 ቀናት ባደረጉት ርብርብ የጥገና ሥራው ታህሣስ 10/2012 ዓ.ም ተጠናቆ ቦይለሩ የኃይል ምርት እንዲጀምር ተደርጓል፡፡ ከ50 በላይ…

የስኳር ኢንደስትሪውን ወደ ለውጥ ምዕራፍ ማሸጋገር እንደሚቻል ተገለጸ

ዘንድሮ በዝግጅት ምዕራፍ የታየው የስኳር ፋብሪካዎች የክረምት ጥገና አፈጻጸም በታቀደው የምርት መጠን ከታገዘ ኢንደስትሪውን ወደ ለውጥ ምዕራፍ ማሸጋገር እንደሚቻል እምነታቸው መሆኑን የስኳር ኮርፖሬሽን የሥራ አመራር ቦርድ ሰብሳቢ ገለጹ፡፡ የመንግስት የልማት ድርጅቶች ይዞታና አስተዳደር ኤጀንሲ ዋና ዳይሬክተርና የኮርፖሬሽኑ የቦርድ ሰብሳቢ አቶ በየነ ገብረመስቀል ይህንን የተናገሩት በኮርፖሬሽኑ የአምስት ወራት ዕቅድ አፈጻጸም ግምገማ መድረክ ላይ ዛሬ ታህሳስ 1/2012 ዓ.ም. ተገኝተው በሰጡት የሥራ መመሪያ ነው፡፡ ፋብሪካዎች የክረምት ጥገና አጠናቀው በተያዘላቸው ጊዜ ወደ ምርት መግባታቸው በቀጣይ በዘርፉ የተሻለ ውጤት ለማምጣት ትልቅ አቅም እንዳለ አመላካች ነው ብለዋል፡፡ የስኳር ኢንደስትሪው ዕድገትም ሆነ ወድቀት በተቋሙ አመራር እጅ ነው…

የኮርፖሬሽኑ የአምስት ወራት ዕቅድ አፈጻጸም እየተገመገመ ነው

የስኳር ፋብሪካዎች የክረምት ጥገና የዝግጅት ምዕራፍን ያካተተ የኮርፖሬሽኑ አጠቃላይ የአምስት ወራት ዕቅድ አፈጻጸም እየተገመገመ ነው፡፡ የዋናው መስሪያ ቤት፣ የስኳር ፋብሪካዎች፣ የፕሮጀክቶችና የመሰረታዊ የሰራተኛ ማኅበር አመራሮች በተገኙበት ዛሬ ህዳር 30/ 2012 ዓ.ም የተጀመረው ግምገማ ለቀጣይ ሦስት ቀናት ይቆያል፡፡ የኮፖሬሽኑ ዋና ሥራ አስፈጻሚ አቶ ወዮ ሮባ መድረኩን ሲከፍቱ ፋብሪካዎች የአመቱን እቅድ በማሳካት በገቢ ድርሻቸው መተዳደር እንዳለባቸው ተናግረዋል፡፡ በመቀጠልም የተቋሙ የአምስት ወራት የዕቅድ አፈጻጸምና የሪፎርም ሥራዎች ክትትል ሪፖርት በአቶ ሳምሶን ወልቀባ የኮርፖሬት ፕላኒንግ ሥራ አስፈጻሚ ቀርቧል፡፡ በዛሬው የግማሽ ቀን ውሎ የወንጂ ሸዋ፣ የመተሐራ እና የፊንጫኣ ስኳር ፋብሪካዎች ዋና ሥራ አስኪያጆች አጠር ያለ ተጨማሪ…

ስድስት የስኳር ፋብሪካዎች ከወራት በኋላ ወደግል ይዞራሉ

አዲስ አበባ ፣ ህዳር 17 ፣ 2012 (ኤፍ ቢ ሲ) የገንዘብ ሚኒስቴር ስድስት የስኳር ፋብሪካዎች ከወራት በኋላ ወደ ግል እንደሚዞሩ አስታወቀ። ሚኒስቴሩ በኢትዮጵያ የስኳር ኢንዱስትሪ ማሻሻያ ላይ ትኩረት የሚያደርግ የውይይት መድረክ ይፋ አድርጓል። የገንዘብ ሚኒስትር ዲኤታው ዶክተር እዮብ ተካልኝ በጉዳዩ ዙሪያ በሰጡት መግለጫ፥ አሁን ላይ በመንግስት ስር ያሉ 13 የስኳር ፋብሪካዎች የቴክኒክ፣ የዋጋ፣ የማህበራዊና የአካባቢ ጥበቃ ጥናቶች እየተከናወነላቸው ይገኛል ብለዋል። ጥናቱ በመጭው ታህሳስ ወር ይጠናቀቃል ያሉት ሚኒስትር ዲኤታው፥ ከዚህ ውስጥ ስድስቱ ወደግሉ እንደሚዞሩ ተናግረዋል። ከዚህ አንጻርም ከገዥዎች የማዞር ሂደቱን መጀመር በሚያስችል መልኩ ጠቃሚ ግብዓት መሰብሰቡንም አስረድተዋል። ሚኒስቴሩ ግልጽና ሁሉን አሳታፊ…

የስኳር ኮርፖሬሽን ዋና ሥራ አስፈጻሚ የአዲስ ዓመት የእንኳን አደረሳችሁ መልዕከት

በዓለም ገበያ ከፍተኛ ተፈላጊነት ካላቸው 10 የግብርና ምርቶች ወይም ሸቀጦች ውስጥ አንዱ ስኳር ነው፡፡ ለዚህ ከፍተኛ የገቢ ምንጭ ኢትዮጵያ ተስማሚ የሆነ እምቅ የተፈጥሮ ሃብትና ለሥራ ዝግጁ የሆነ የሰው ኃይል አላት፡፡ ለሸንኮራ አገዳ ካላት ምቹ የተፈጥሮ ፀጋ አኳያም በአገዳ ምርታማነት በአለምአቀፍ ደረጃ ከሚታወቁ ጥቂት ሀገራት ተርታ በግንባር ቀደምነት ተሰልፋለች፡፡ ይህንን ሃብት ከግምት ውስጥ ያስገባው የኢፌዲሪ መንግሥት የስኳር ኢንደስትሪ በሀገሪቱ ኢኮኖሚ ውስጥ የመሪነት ሚና እንዲጫወት ለዘርፉ ከፍተኛ የኢንቨስትመንት ካፒታል በመመደብ መጠነ ሰፊ ሥራዎችን ማካሄድ ከጀመረ ዘጠኝ አመታት ተቆጥረዋል፡፡ ምንም እንኳ በዘርፉ ከተቀመጡ ግቦች አንጻር በእስካሁኑ የልማት ጥረት የተገኘው ውጤት የተጠበቀውን ያህል ባይሆንም…

በስኳር ኮርፖሬሽን አማካይነት እየተካሄደ የሚገኝ የስኳር ፋብሪካዎች እና ፕሮጀክቶች የአክስዮን ሽያጭ አለመኖሩ ተገለጸ

የኮርፖሬት ኮሙኒኬሽን ስራ አስፈፃሚ አቶ ጋሻው አይችሉህም

በአሁኑ ወቅት በመንግሥትም ሆነ በስኳር ኮርፖሬሽን አማካይነት እየተካሄደ የሚገኝ የስኳር ፋብሪካዎች እና ፕሮጀክቶች የአክስዮን ሽያጭ አለመኖሩን በስኳር ኮርፖሬሽን የኮርፖሬት ኮሙኒኬሽን ስራ አስፈፃሚ አቶ ጋሻው አይችሉህም በተለይ ለኢቲቪ ገልጸዋል። የስኳር ልማት ፕሮጀክቶች እና ፋብሪካዎችን በሙሉ ወይም በከፊል ወደ ግል ይዞታ ለማዘዋወር መንግስት ያሳለፈውን ውሳኔ ተከትሎ የገንዘብ ሚኒስቴር በስኳር ኢንዱስትሪው ላይ ለባለሃብቶች እና ኩባንያዎች የመረጃ ጥያቄ አቅርበው በርካቶች በዘርፉ ለመሰማራት ፍላጎታቸውን እየገለጹ መሆናቸው ይታወቃል። ከዚህ ጋር በተያያዘ መንግሥት ወይም ስኳር ኮርፖሬሽን ከሚያስተዳድራቸው 13 የስኳር ፋብሪካዎች እና ፕሮጀክቶች ውስጥ ተጨማሪ የኢንቨስትመንት ካፒታል የሚጠይቁ እና በግንባታ ላይ የሚገኙ ስድስት ፋብሪካዎች /ፕሮጀክቶች/ በ2012 ዓ.ም ወደ…